ଝାରସୁଗୁଡ଼ାସ୍ଥିତ ହୋଟେଲ ପିପୁଲ ଉତ୍କଳ କଣ୍ଟିନେଣ୍ଟାଲରେ ୨୯ ଜୁନ ୨୦୨୬ ତାରିଖରେ ଏକ ସଫଳ 'ମେଗା ରକ୍ତଦାନ ଶିବିର' ଅନୁଷ୍ଠିତ ହୋଇଥିଲା। ଏହି ଶିବିରରୁ ମୋଟ ୫୧ ୟୁନିଟ୍ ରକ୍ତ ସଂଗ୍ରହ କରାଯାଇ ଜିଲ୍ଲାର ରକ୍ତଭଣ୍ଡାରକୁ ସୁଦୃଢ଼ କରାଯାଇଛି। ଏହି ମାନବିକ କାର୍ଯ୍ୟକ୍ରମକୁ 'ଏଇ ତ ଜୀବନ ଚ୍ୟାରିଟେବୁଲ ଟ୍ରଷ୍ଟ', ଝାରସୁଗୁଡ଼ା ପକ୍ଷରୁ ଆୟୋଜନ କରାଯାଇଥିବା ବେଳେ, କାର୍ଯ୍ୟକ୍ରମର ସ୍ଥାନ ଓ ଆନୁଷଙ୍ଗିକ ବ୍ୟବସ୍ଥାରେ ସହଯୋଗ କରିଥିଲା ହୋଟେଲ ପିପୁଲ ଉତ୍କଳ କଣ୍ଟିନେଣ୍ଟାଲ।
ଏହି ଅବସରରେ ବାଲଗୋବିନ୍ଦ ମିଶ୍ର, ରମେଶ ଗାନ୍ଧୀ, ଚୁନ୍ନିଲାଲ କାକାନି, ମହେନ୍ଦ୍ର କେଡିଆ ଏବଂ ତପସ ରାୟ ଚୌଧୁରୀ ପ୍ରମୁଖ ଅତିଥି ଭାବେ ଯୋଗଦେଇ ଶିବିରର ଶୁଭାରମ୍ଭ କରିଥିଲେ। ଝାରସୁଗୁଡ଼ା ଜିଲ୍ଲା ମୁଖ୍ୟ ଚିକିତ୍ସାଳୟ (ଡିଏଚଏଚ)ର ଡା. ଏସ୍. ଜୋଜୋଙ୍କ ନେତୃତ୍ୱରେ ଏକ ଅଭିଜ୍ଞ ଡାକ୍ତରୀ ଦଳ ସମଗ୍ର ରକ୍ତଦାନ ପ୍ରକ୍ରିୟାକୁ ସୁରକ୍ଷିତ ଓ ସୁଚାରୁ ଭାବେ ପରିଚାଳନା କରିଥିଲେ। ରକ୍ତଦାନ ସହ ପରିବେଶ ସୁରକ୍ଷାର ବାର୍ତ୍ତା ଦେବା ଉଦ୍ଦେଶ୍ୟରେ ସମସ୍ତ ଅତିଥି ଓ ସ୍ୱେଚ୍ଛାକୃତ ରକ୍ତଦାତାଙ୍କୁ ଜୀବନ୍ତ ଚାରାଗଛ ପ୍ରଦାନ କରି ସମ୍ମାନିତ କରାଯାଇଥିଲା। ଏହି ଅଭିନବ ପଦକ୍ଷେପକୁ ଉପସ୍ଥିତ ସମସ୍ତେ ପ୍ରଶଂସା କରିଥିଲେ। ଶେଷରେ 'ଏଇ ତ ଜୀବନ ଚ୍ୟାରିଟେବୁଲ ଟ୍ରଷ୍ଟ' ପକ୍ଷରୁ ସମସ୍ତ ରକ୍ତଦାତା, ଡାକ୍ତରୀ ଦଳ ଏବଂ ହୋଟେଲ ପିପୁଲ ଉତ୍କଳ କଣ୍ଟିନେଣ୍ଟାଲର ପରିଚାଳନା କର୍ତ୍ତୃପକ୍ଷଙ୍କୁ କୃତଜ୍ଞତା ଜଣାଯାଇଥିଲା।
