ଭୁବନେଶ୍ୱର :
କୃଷକ ସଂଗଠନ ଓ କେନ୍ଦ୍ରୀୟ ଶ୍ରମିକ ସଂଘଙ୍କ ଡାକରାରେ ଆସନ୍ତାକାଲି ସାରା ଦେଶରେ ‘ଭାରତ ବନ୍ଦ’ ପାଳନ କରାଯିବ। ବିଭିନ୍ନ ଦାବିକୁ ନେଇ ଏହି ବନ୍ଦ ଆହ୍ୱାନ କରାଯାଇଥିବା ବେଳେ, ପ୍ରାୟ ୨୦ କୋଟିରୁ ଅଧିକ ଶ୍ରମିକ ଏହାରେ ସାମିଲ ହେବେ ବୋଲି ସୂଚନା ମିଳିଛି।
ବନ୍ଦ ପରିପ୍ରେକ୍ଷିତରେ ବ୍ୟାଙ୍କ ସେବା, ସରକାରୀ କାର୍ଯ୍ୟାଳୟ, ସାର୍ବଜନୀନ ପରିବହନ ସହ ଅନେକ ସେବା ପ୍ରଭାବିତ ହେବାର ଆଶଙ୍କା ରହିଛି। ବସ୍ ଓ ଟ୍ରେନ ଚଳାଚଳରେ ବାଧା ସୃଷ୍ଟି ହେବା ସମ୍ଭାବନା ଥିବାବେଳେ, କେତେକ ସ୍ଥାନରେ ସ୍କୁଲ ଓ କଲେଜ ଛୁଟି ଘୋଷଣା ହୋଇପାରେ।
ବ୍ୟାଙ୍କ ବନ୍ଦ ରହିଲେ ଟଙ୍କା ଲେନଦେନ ଓ ଆର୍ଥିକ କାରବାରରେ ବିଘ୍ନ ସୃଷ୍ଟି ହେବା ଆଶଙ୍କା କରାଯାଉଛି। ତେବେ ଆପାତକାଳୀନ ସେବା ସାଧାରଣଭାବେ ଚାଲୁ ରହିବ ବୋଲି ସୂଚନା ମିଳିଛି।
ପରିସ୍ଥିତିକୁ ଦୃଷ୍ଟିରେ ରଖି ପ୍ରଶାସନ ପକ୍ଷରୁ ସୁରକ୍ଷା ବ୍ୟବସ୍ଥା କଠୋର କରାଯାଇଛି। ଜନସାଧାରଣଙ୍କୁ ଆବଶ୍ୟକ କାର୍ଯ୍ୟ ଆଗରୁ ସମାପ୍ତ କରିବା ସହିତ ଯାତାୟାତ ସୂଚନା ଯାଞ୍ଚ କରିବାକୁ ପରାମର୍ଶ ଦିଆଯାଇଛି।
