.jpeg)
ଟି-୨୦ ବିଶ୍ୱକପ ୨୦୨୪ରେ ଭାରତୀୟ ଦଳର ବିଜୟ ଧାରା ଜାରି ରହିଛି। ଟିମ ଇଣ୍ଡିଆ ଗୁରୁବାର ଆଫଗାନିସ୍ତାନକୁ ୪୭ ରନ୍ରେ ପରାସ୍ତ କରିଛି। ଏହି ସଂସ୍କରଣରେ ଏହା ଟିମ ଇଣ୍ଡିଆର ଚତୁର୍ଥ ବିଜୟ ଥିଲା। ଭାରତର ୧୮୧ ରନ ଜବାବରେ ଆଫଗାନିସ୍ତାନର ଇନିଂସ ୧୩୪ ରନରେ ସୀମିତ ରହିଥିଲା। ରସିଦ ଖାନଙ୍କ ଦଳ ବିପକ୍ଷରେ ଏହି ବିଜୟ ସହିତ ଭାରତୀୟ ଦଳ ମଧ୍ୟ ଏକ ବିଶେଷ ସଫଳତା ହାସଲ କରିଛି।
କେବଳ ଏତିକି ନୁହେଁ, ରୋହିତ ଶର୍ମାଙ୍କ ଦଳ ମଧ୍ୟ ୨୦୨୨ରେ ହୋଇଥିବା ଏକ ରେକର୍ଡ ଭାଙ୍ଗିବାର ଦ୍ୱାରସ୍ଥ ହୋଇଛି।
ଆଫଗାନିସ୍ତାନର ସମସ୍ତ ଉଇକେଟ କ୍ୟାଚ୍ ଆଉଟ୍ ମାଧ୍ୟମରେ ଥିଲା। ଟି-୨୦ ବିଶ୍ୱକପ୍ରେ ଏହା ଦ୍ୱିତୀୟ ଥର ପାଇଁ ଗୋଟିଏ ଦଳର ୧୦ ଉଇକେଟ କ୍ୟାଚ ଆଉଟ ଆକାରରେ ଯାଇଛି। ପ୍ରଥମ ଥର ପାଇଁ ଆଫଗାନିସ୍ତାନ ବିପକ୍ଷରେ ମଧ୍ୟ ଏହା ଘଟିଥିଲା। ୨୦୨୨ ଟି -୨୦ ବିଶ୍ୱକପରେ ଇଂଲଣ୍ଡ ପର୍ଥରେ ଆଫଗାନିସ୍ତାନର ସମସ୍ତ ୧୦ ଖେଳାଳିଙ୍କୁ କ୍ୟାଚ୍ ଆଉଟ୍ କରି ପାଭିଲିୟନକୁ ପଠାଇଥିଲା। ବର୍ତ୍ତମାନ ଇଂଲଣ୍ଡ ପରେ ଭାରତ ହେଉଛି ଦ୍ୱିତୀୟ ଦଳ।
ଏଥି ସହିତ ଟିମ ଇଣ୍ଡିଆ କ୍ରମାଗତ ଅଷ୍ଟମ ଟି-୨୦ରେ ଜିତିଛି। ଭାରତର ଏହି ବିଜୟ ଧାରା ଡିସେମ୍ବର ୨୦୨୩ ଠାରୁ ଚାଲିଆସୁଛି। ଅନ୍ତର୍ଜାତୀୟ ଟି-୨୦ରେ ଭାରତୀୟ ଦଳ ନଭେମ୍ବର ୨୦୨୧ରୁ ଫେବୃଆରୀ ୨୦୨୨ ମଧ୍ୟରେ କ୍ରମାଗତ ସର୍ବାଧିକ ମ୍ୟାଚ ଜିତିଛି। ଏହି ସମୟ ମଧ୍ୟରେ ଟିମ ଇଣ୍ଡିଆ କ୍ରମାଗତ ୧୨ ଟି-୨୦ ମ୍ୟାଚ ଜିତିଥିଲା। ଏଥି ସହିତ, ଜାନୁଆରୀ ୨୦୨୦ ରୁ ଡିସେମ୍ବର ୨୦୨୦ ମଧ୍ୟରେ ଭାରତୀୟ ଦଳ କ୍ରମାଗତ ନଅ ଟି-୨୦ ମ୍ୟାଚ ଜିତିଥିଲ। ଯଦି ରୋହିତ ଶର୍ମା ପରବର୍ତ୍ତୀ ଦୁଇଟି ମ୍ୟାଚ ଜିତନ୍ତି ତେବେ ସେ ନଅ ମ୍ୟାଚ ବିଜୟ ଧାରାକୁ ପଛରେ ପକାଇଦେବେ। ଏଥି ସହିତ ଯଦି ଭାରତୀୟ ଦଳ ଫାଇନାଲରେ ଜିତିବାରେ ସଫଳ ହୁଏ, ତେବେ ଏହା କ୍ରମାଗତ ୧୨ଟି ମ୍ୟାଚ ଜିତିବାର ରେକର୍ଡ ସହିତ ସମକକ୍ଷ ହେବ।
