ପରାଜିତ ନେତାଙ୍କୁ ବଳ ଦେଲେ ନବୀନ: ଧୈର୍ଯ୍ୟ ରଖ, ଲୋକଙ୍କ ସହ ଯୋଡ଼ି ହୋଇ ରୁହ..

 

ଭୁବନେଶ୍ୱର:-

ନବୀନ ନିବାସରେ ଜାରି ରହିଛି ନବୀନଙ୍କ ବୈଠକ । ବୁଧବାର ବିଜୟୀ ପ୍ରାର୍ଥୀଙ୍କ ସହ ବୈଠକ କରିଥିଲେ । ଗୁରୁବାର ପରାଜିତ ପ୍ରାର୍ଥୀଙ୍କୁ ଡାକି ୩ ଘଣ୍ଟା କାଳ ଆଲୋଚନା କରିଛନ୍ତି । ଜଣ ଜଣ କରି ସଭିଙ୍କ ସହ କଥା ହୋଇଛନ୍ତି । ଅନେକ ନେତା ପରାଜୟର କାରଣ ବି ରଖିଛନ୍ତି ନବୀନଙ୍କ ଆଗରେ । ନବୀନ ସଭିଙ୍କ ମନୋବଳ ବଢ଼ାଇ କହିଛନ୍ତି, ବ୍ୟସ୍ତ ହୁଅନି ।

ଧୈର୍ଯ୍ୟ ରଖ । ଆମେ ୨୪ ବର୍ଷରେ ଅନେକ ସଫଳତା ପାଇଛୁ । ସବୁ କ୍ଷେତ୍ରରେ ବିକାଶର ମାଇଲଖୁଣ୍ଟ ଛିଡ଼ା କରିଛୁ । ସଂଗଠିତ ହୋଇ କାମ କର । ପୂର୍ବାପେକ୍ଷା ଅଧିକ ପରିଶ୍ରମ କର । ଲୋକଙ୍କ ସହ ସମ୍ପର୍କ ବଢ଼ାଅ । ସଂଘର୍ଷ ଜାରି ରଖ ।