ସୋସିଆଲ ମିଡିଆରେ ଗତ କିଛି ଦିନ ଧରି ଏକ ପୁରୁଣା ଖବରକାଗଜର ଫଟୋ ବହୁତ ଭାଇରାଲ୍ ହେଉଛି। ଫଟୋରେ ଦେଖାଯାଉଛି ଯେ ୧୯୬୭ ମସିହାରେ ପ୍ରକାଶିତ “The Hindu” ଖବରକାଗଜର ପ୍ରଥମ ପୃଷ୍ଠାରେ ପୂର୍ବତନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀ ଲୋକଙ୍କୁ “ସୁନା କିଣନ୍ତୁ ନାହିଁ” ବୋଲି ଅନୁରୋଧ କରିଥିବା ଖବର ଥିବା ଦାବି କରାଯାଉଛି।
କିନ୍ତୁ ଏହି ଭାଇରାଲ୍ ଫଟୋକୁ ନେଇ ଏବେ ବଡ଼ ଖୁଲାସା ହୋଇଛି। ଦେଶର ପ୍ରସିଦ୍ଧ ଖବରକାଗଜ “The Hindu” ନିଜେ ସ୍ପଷ୍ଟ କରିଛି ଯେ ସୋସିଆଲ ମିଡିଆରେ ଘୁରୁଥିବା ଏହି ପେପର କଟିଂ ସମ୍ପୂର୍ଣ୍ଣ ଭୁଲ ଓ ଡିଜିଟାଲ ଭାବେ ପରିବର୍ତ୍ତନ କରାଯାଇଥିବା ଏକ ଫେକ୍ ଇମେଜ୍।
“The Hindu” ନିଜର ଅଫିସିଆଲ୍ X ଆକାଉଣ୍ଟରେ ପୋଷ୍ଟ କରି କହିଛି ଯେ ୧୯୬୭ ଜୁନ୍ ୬ ତାରିଖର ନାମରେ ଭାଇରାଲ୍ ହେଉଥିବା ଏହି ଫ୍ରଣ୍ଟ ପେଜ୍ ତାଙ୍କ ଅସଲି ଆର୍କାଇଭ୍ର ଅଂଶ ନୁହେଁ। ଏହାକୁ କେହି ଡିଜିଟାଲ୍ ଭାବେ ବଦଳାଇ ସୋସିଆଲ ମିଡିଆରେ ଭ୍ରମ ସୃଷ୍ଟି ପାଇଁ ପ୍ରଚାର କରୁଛନ୍ତି।
ବିଶେଷକରି ଅର୍ଥନୀତି, ସୁନା ବଜାର ଓ ସରକାରୀ ନୀତିକୁ ନେଇ ଏଭଳି ଫେକ୍ ଖବର ଲୋକଙ୍କ ମନରେ ଅନାବଶ୍ୟକ ଆତଙ୍କ ସୃଷ୍ଟି କରୁଥିବା ଚର୍ଚ୍ଚା ହେଉଛି।
ସାଇବର ବିଶେଷଜ୍ଞମାନେ କହୁଛନ୍ତି, AI ଓ ଡିଜିଟାଲ୍ ଏଡିଟିଂ ଟୁଲ୍ ବଢ଼ିବା ପରେ ଏଭଳି ଫେକ୍ ନ୍ୟୁଜ୍ର ପ୍ରଚାର ଅଧିକ ହେଉଛି। ତେଣୁ ସାଧାରଣ ଲୋକଙ୍କୁ ସଚେତନ ରହିବା ଓ ଅଫିସିଆଲ୍ ସୋର୍ସ ଯାଞ୍ଚ କରିବାକୁ ପରାମର୍ଶ ଦିଆଯାଇଛି।
ସେହିପରି, ସୋସିଆଲ ମିଡିଆରେ ଭାଇରାଲ୍ ହେଉଥିବା “The Hindu” ର ଏହି ପୁରୁଣା ପେପର କଟିଂ ସତ୍ୟ ନୁହେଁ… ବରଂ ଏହା ଏକ ଡିଜିଟାଲ୍ ଭାବେ ତିଆରି କରାଯାଇଥିବା ଫେକ୍ ଇମେଜ୍ ବୋଲି ନିଜେ ସ୍ପଷ୍ଟ କରିଛି “The Hindu”।
