ଭାରତରେ ଡିଜିଟାଲ୍ ଲେନଦେନ ବୃଦ୍ଧି ପାଇଥିବା ବେଳେ Reserve Bank of India (RBI) ଅନଲାଇନ୍ ପେମେଣ୍ଟ ସୁରକ୍ଷାକୁ ଆଉ ମଜବୁତ କରିବା ପାଇଁ ନିୟମକୁ କଡା କରିଛି। ୧ ଏପ୍ରିଲ୍ ୨୦୨୬ ଠାରୁ କୌଣସି ବଡ ନୂତନ ନିୟମ ଘୋଷଣା ହୋଇନଥିବା ସତ୍ତ୍ୱେ, ପୂର୍ବରୁ ଲାଗୁ ହୋଇଥିବା ନିୟମଗୁଡିକୁ ଆହୁରି କଢା ଭାବରେ ପ୍ରୟୋଗ କରାଯାଉଛି। ଅନଲାଇନ୍ କାର୍ଡ ପେମେଣ୍ଟରେ କାର୍ଡ ଟୋକେନାଇଜେସନ୍ ବ୍ୟବସ୍ଥା ଆଣାଯାଇଛି, ଯାହା ଫଳରେ ଗ୍ରାହକଙ୍କର ମୂଳ କାର୍ଡ ତଥ୍ୟ ସଂରକ୍ଷଣ ହେଉନାହିଁ। ଏହା ଠକେଇ ରୋକିବାରେ ବଡ ପଦକ୍ଷେପ ବୋଲି ମନାଯାଉଛି।
ସେହିପରି, ଅଟୋ-ଡେବିଟ୍ ବା e-mandate ବ୍ୟବସ୍ଥାରେ ମଧ୍ୟ ନୂତନ ସୀମା ନିର୍ଦ୍ଦିଷ୍ଟ କରାଯାଇଛି। ୧୫ ହଜାର ଟଙ୍କା ପର୍ଯ୍ୟନ୍ତ ଅଟୋ ଡେବିଟ୍ ସ୍ୱୟଂଚାଳିତ ଭାବରେ ହେବ, କିନ୍ତୁ ଏହାରୁ ଅଧିକ ରାଶି ପାଇଁ OTP ଆବଶ୍ୟକ ହେବ। ଡିଜିଟାଲ୍ ପେମେଣ୍ଟରେ National Payments Corporation of India (NPCI) ଦ୍ୱାରା ଚାଳିତ Unified Payments Interface (UPI) ର ବ୍ୟବହାର ଦ୍ରୁତ ଭାବେ ବଢ଼ୁଛି। UPI Lite ଓ ଫିଚର୍ ଫୋନ୍ ପାଇଁ 123Pay ପରି ସୁବିଧା ଗ୍ରାହକଙ୍କୁ ଆହୁରି ସହଜ ଅନୁଭବ ଦେଉଛି।
