ଦର୍ଲିପାଳି :
ଏନ୍ଟିପିସି ଦର୍ଲିପାଳି ପକ୍ଷରୁ ‘ଏନ୍ଟିପିସି ଉତ୍କର୍ଷ ମେରିଟ୍ ସ୍କଲାରସିପ୍’ ଯୋଜନା ଅନୁସାରେ ୧୯ଟି ବିଦ୍ୟାଳୟର ୬୪ ଜଣ ମେଧାବୀ ଛାତ୍ରଛାତ୍ରୀଙ୍କୁ ସ୍କଲାରସିପ୍ ପ୍ରଦାନ କରାଯାଇଛି। ପ୍ରକଳ୍ପ ପ୍ରଭାବିତ ଓ ପାଶ୍ୱର୍ତ୍ତୀ ଗ୍ରାମର ଛାତ୍ରଛାତ୍ରୀମାନଙ୍କର ଶିକ୍ଷାଗତ କୃତିତ୍ୱକୁ ସ୍ୱୀକୃତି ଦେବା ସହ ଉଚ୍ଚ ଶିକ୍ଷା ପାଇଁ ସେମାନଙ୍କୁ ପ୍ରୋତ୍ସାହନ ଦେବା ଏହି କାର୍ଯ୍ୟକ୍ରମର ଲକ୍ଷ୍ୟ।
ଏହି ଅବସରରେ ଏନ୍ଟିପିସି ଦର୍ଲିପାଳିର ପ୍ରକଳ୍ପ ମୁଖ୍ୟ ଫୈଜ୍ ତୈୟବ୍, ଜେନେରାଲ୍ ମ୍ୟାନେଜର (O&M) ରବିନ୍ଦ୍ର ଶର୍ମା, ଜେନେରାଲ୍ ମ୍ୟାନେଜର (ଅପରେସନ) ଇପିଲ ବାଗେ, ଅଭିଳାଷା ଲେଡିଜ୍ କ୍ଲବ୍ର ଅଧ୍ୟକ୍ଷା ତାଜିନ୍ ଜାୱେଦ୍ ଏବଂ ଲେଫ୍ରିପଡ଼ା ବ୍ଲକ୍ ଶିକ୍ଷା ଅଧିକାରୀ ଅଶୋକ ଲାକ୍ରା ଉପସ୍ଥିତ ଥିଲେ।
ଏହି ସ୍କଲାରସିପ୍ ଯୋଜନା ମାଧ୍ୟମରେ ପାଶ୍ୱର୍ତ୍ତୀ ଅଞ୍ଚଳର ମେଧାବୀ ଛାତ୍ରଛାତ୍ରୀମାନଙ୍କୁ ସମ୍ମାନ ଓ ସହାୟତା ଦେଇ ସେମାନଙ୍କର ଶିକ୍ଷାଗତ ସଫଳତାକୁ ପ୍ରୋତ୍ସାହିତ କରାଯାଉଛି। ଏହି ପଦକ୍ଷେପ ମାଧ୍ୟମରେ ଯୁବ ପିଢି ମଧ୍ୟରେ ଶିକ୍ଷାର ଉନ୍ନତି ଓ ଶିଖଣାର ସଂସ୍କୃତିକୁ ମଜବୁତ କରିବାରେ ଏନ୍ଟିପିସି ଦର୍ଲିପାଳି ନିରନ୍ତର ପ୍ରୟାସ କରୁଛି।
ଏହି କାର୍ଯ୍ୟକ୍ରମରେ ଛାତ୍ରଛାତ୍ରୀ, ଅଭିଭାବକ, ବିଦ୍ୟାଳୟ ପ୍ରତିନିଧି ଓ ଏନ୍ଟିପିସି କର୍ମକର୍ତ୍ତାମାନଙ୍କର ଉତ୍ସାହପୂର୍ଣ୍ଣ ସହଭାଗିତା ଦେଖିବାକୁ ମିଳିଥିଲା।
