ଦର୍ଲିପାଲି :
ରୋଡ୍ ସେଫ୍ଟି ସଚେତନତା ସପ୍ତାହ ଅବସରରେ NTPC ଦର୍ଲିପାଲି ପକ୍ଷରୁ ଦର୍ଲିପାଲି ଗ୍ରାମରେ ଏକ ବିଶେଷ କ୍ରାଶ୍ ହେଲମେଟ୍ ବଣ୍ଟନ କାର୍ଯ୍ୟକ୍ରମ ଆୟୋଜିତ ହୋଇଥିଲା। ଜିଲ୍ଲା ପୁଲିସ, ସୁନ୍ଦରଗଡ଼ଙ୍କ ସହଯୋଗରେ ଆୟୋଜିତ ଏହି କାର୍ଯ୍ୟକ୍ରମର ଲକ୍ଷ୍ୟ ଥିଲା ସୁରକ୍ଷିତ ଯାନଚଳାଚଳ ପ୍ରଚଳନକୁ ଉତ୍ସାହିତ କରିବା ସହିତ ସଡ଼କ ସୁରକ୍ଷା ବିଷୟରେ ସ୍ଥାନୀୟ ଲୋକଙ୍କ ମଧ୍ୟରେ ସଚେତନତା ବୃଦ୍ଧି କରିବା।
ଏହି କାର୍ଯ୍ୟକ୍ରମରେ NTPC ଦର୍ଲିପାଲିଙ୍କ ମୁଖ୍ୟ ମାନବ ସମ୍ପଦ ଅଧିକାରୀ ଶ୍ରୀ ସଞ୍ଜିତ ମିଞ୍ଜ, ଏଜିଏମ୍ (ଆର୍ ଏଣ୍ଡ୍ ଆର୍) ଶ୍ରୀ ସମୀର ଭଞ୍ଜ ଏବଂ ଦର୍ଲିପାଲି ସରପଞ୍ଚ ଶ୍ରୀ ଗୋବିନ୍ଦ କୁମ୍ରାଙ୍କ ସହିତ ଜିଲ୍ଲା ପୁଲିସ ପ୍ରଶାସନ ଓ NTPC ଅଧିକାରୀମାନେ ଉପସ୍ଥିତ ଥିଲେ।
ଅବସରରେ ଦୁଇଚକିଆ ଯାନଚାଳକମାନଙ୍କୁ କ୍ରାଶ୍ ହେଲମେଟ୍ ବଣ୍ଟନ କରାଯାଇ ସୁରକ୍ଷା ସାଜସଜ୍ଜାର ନିୟମିତ ବ୍ୟବହାର ଓ ଦାୟିତ୍ୱଶୀଳ ଡ୍ରାଇଭିଂ ପାଇଁ ପ୍ରେରିତ କରାଯାଇଥିଲା। ଜିଲ୍ଲା ପୁଲିସ ପକ୍ଷରୁ ଏକ ସଚେତନତା ଅଧିବେଶନ ମଧ୍ୟ ଆୟୋଜନ କରାଯାଇ ହେଲମେଟ୍ ପିନ୍ଧିବାର ଗୁରୁତ୍ୱ, ଟ୍ରାଫିକ୍ ନିୟମ ପାଳନ ଏବଂ ସୁରକ୍ଷିତ ଯାନଚଳାଚଳ ବିଷୟରେ ଜଣାଇଥିଲେ।
NTPC ଦର୍ଲିପାଲିଙ୍କ ଏହି ପ୍ରୟାସ ସମାଜିକ ଦାୟିତ୍ୱବୋଧ (CSR) କାର୍ଯ୍ୟକ୍ରମର ଅଂଶ ଭାବେ ସମୁଦାୟ ସୁରକ୍ଷା ଓ ସଚେତନତା ବୃଦ୍ଧି ପ୍ରତି ସଂସ୍ଥାର ଅଟୁଟ ସମର୍ପଣକୁ ପ୍ରକାଶ କରୁଛି। ସ୍ଥାନୀୟ ପ୍ରଶାସନ ଓ ହିତଧାରୀମାନଙ୍କ ସହ ସମନ୍ୱୟ ମାଧ୍ୟମରେ ଏପରି ପ୍ରୟାସ ଆଗାମୀଦିନରେ ମଧ୍ୟ ଜାରି ରହିବ ବୋଲି ଅଧିକାରୀମାନେ କହିଛନ୍ତି।
