ଭୁବନେଶ୍ୱର:
ଓଡ଼ିଆ ସଙ୍ଗୀତ ଜଗତ ପାଇଁ ଶୋକର ସନ୍ଦେଶ। ପ୍ରତିଭାଶାଳୀ ପ୍ଲେବ୍ୟାକ୍ ଗାୟକ ହୁମାନ ସାଗର ଙ୍କ ଅକାଳ ପରଲୋକ ଖବର ଆଜି ସମଗ୍ର ଓଡ଼ିଶାକୁ ଦୁଃଖିତ କରିଦେଇଛି। ଗତ ରାତିରେ ଭୁବନେଶ୍ୱର AIIMS ରେ ଚିକିତ୍ସାଧୀନ ଅବସ୍ଥାରେ ସେ ଚିରନିଦ୍ରା ପରିଣତ ହୋଇଥିଲେ। ସୂତ୍ର ଅନୁସାରେ, କିଛିଦିନ ଧରି ସେ ଅନେକ ଗୁରୁତର ସ୍ୱାସ୍ଥ୍ୟ ସମସ୍ୟାରେ ପୀଡିତ ଥିଲେ।
୧୯୯୦ ମସିହାରେ ବାଲାଙ୍ଗିର ଜିଲ୍ଲାର ତିତଲାଗଢ଼ରେ ଜନ୍ମ ନେଇଥିବା ହୁମାନ ସାଗର, ଖୁବ୍ କମ୍ ସମୟରେ ଓଲିଉଡ୍ରେ ନିଜ ସୂର ଓ ଭାବନାପୁରଣ ଗାୟନରେ ଲକ୍ଷାଧିକ ଶ୍ରୋତାଙ୍କ ମନ କାଢ଼ିନେଇଥିଲେ। 2012 ରେ ‘Voice of Odisha’ ରେ ବିଜୟୀ ହେବା ପରେ ତାଙ୍କର କ୍ୟାରିଅର ଦ୍ରୁତଗତିରେ ଆଗକୁ ବଢ଼ିଥିଲା। ଇଶ୍କ୍ ତୁ ହି ତୁ, ନିଶ୍ୱାସ, ତୁମ ଓଠ ତଳେ, ବେଖୁଦି ଭଳି ଅନେକ ସୁପରହିଟ୍ ଗୀତରେ ସେ ନିଜ ଅମିଟ୍ ଚିହ୍ନ ଛାଡ଼ିଯାଇଥିଲେ।
ତାଙ୍କର ପରଲୋକ ସୂଚନା ପ୍ରକାଶ ପାଇବା ସହିତ ଓଡ଼ିଆ ସଙ୍ଗୀତ ଜଗତ, ଶ୍ରୋତା ଏବଂ ସହକର୍ମୀମାନଙ୍କ ମଧ୍ୟରେ ଗଭୀର ଶୋକର ମେଘ ଛାଇଯାଇଛି। ଓଡ଼ିଶାର ମୁଖ୍ୟମନ୍ତ୍ରୀ ସହିତ ଅନେକ ଗଣମାନ୍ୟ ବ୍ୟକ୍ତି ତାଙ୍କର ଅକାଳ ପରଲୋକ ଉପରେ ଶୋକ ବ୍ୟକ୍ତ କରିଛନ୍ତି।
ହୁମାନ ସାଗର କେବଳ ଗାୟକ ନୁହେଁ, ଓଡ଼ିଆ ମ୍ୟୁଜିକ୍ ଇଣ୍ଡଷ୍ଟ୍ରୀର ଜଣେ ଭାବନାପୂର୍ଣ୍ଣ ସ୍ୱର ଥିଲେ। ତାଙ୍କର ଅପୂର୍ବ ସଙ୍ଗୀତର ଐତିହ୍ୟ ଏବଂ ସ୍ମୃତି ସଦା ସମୟ ପର୍ଯ୍ୟନ୍ତ ଓଡ଼ିଶାର ହୃଦୟରେ ଅବିଚ୍ଚଳିତ ରହିବ।
