ଭୁବନେଶ୍ୱର :-
ଭୁବନେଶ୍ୱରରେ ଟାଟା ପାୱାରର ଜଣେ ନିର୍ବାହୀ ଯନ୍ତ୍ରୀ ଭିଜିଲାନ୍ସ ଜାଲରେ ଧରାପଡ଼ିଛନ୍ତି। ଅଭିଯୋଗୀ ଅଧିକାରୀଙ୍କ ନାମ ତୁଷାରକାନ୍ତ ରାୟ। ସୂତ୍ର ଅନୁସାରେ, ସେ କଣ୍ଟ୍ରାକ୍ଟରଙ୍କ ନିକଟରୁ ଲାଞ୍ଚ ଗ୍ରହଣ କରୁଥିବା ବେଳେ ଭିଜିଲାନ୍ସ ଦଳ ତାଙ୍କୁ ଧରିଥିଲେ। ଲାଞ୍ଚକୁ ନେଇ ଭିଜିଲାନ୍ସ ଏହାକୁ ଗୁରୁତର ଭାବରେ ନେଇଛି। ଅଧିକାରୀଙ୍କ ବିରୋଧରେ ଆୟ ବହିର୍ଭୁତ ସଂପତ୍ତି ରଖିଥିବା ଅଭିଯୋଗ ଥିବାରୁ ଏକେ ସମୟରେ ୩ଟି ଅଲଗାଅଲଗା ସ୍ଥାନରେ ରେଡ୍ କରାଯାଇଛି। ଭୁବନେଶ୍ୱର ସହିତ ତାଙ୍କ ଜନ୍ମସ୍ଥାନ ଓ ଆଉ ଏକାଧିକ ସ୍ଥାନରେ ସମ୍ପତ୍ତି ରେଡ କରାଯାଇଛି।
ଘରରେ ଚଢ଼ାଉ ବେଳେ ଭିଜିଲାନ୍ସ ଦଳ ୯ ଲକ୍ଷ ୫୩ ହଜାର ଟଙ୍କା ନଗଦ ଜବତ କରିଛି। ଏହାସହ ସୁନା ଗହଣା , ବ୍ୟାଙ୍କ ଖାତା ସମ୍ପର୍କିତ କାଗଜପତ୍ର, ଜମି-ଘରର ଡକ୍ୟୁମେଣ୍ଟ ମଧ୍ୟ ଖୋଜାଯାଇଥିବା ସୂଚନା ମିଳିଛି।
ଭିଜିଲାନ୍ସର ଏହି କାର୍ଯ୍ୟରେ ପୁଣିଥରେ ସ୍ପଷ୍ଟ ହେଲା ଯେ, ଲାଞ୍ଚ ଓ ଅବୈଧ ସମ୍ପତ୍ତି ଭଣ୍ଡାରଣ ପ୍ରତି ବିଭାଗ ଦୃଢ଼ ହାତ ନେଇଛି। ସାଧାରଣ କଣ୍ଟ୍ରାକ୍ଟରଙ୍କୁ ଅସୁବିଧା କରି, ଲାଭ କମାଇବା ଅଭିଯୋଗରେ ଯେମାନେ ଜଡ଼ିତ, ସେମାନଙ୍କୁ କୌଣସିପରି ରିଆୟତି ମିଳିବା ନାହିଁ।
ଏହି ଅଭିଯାନରେ ଧରାପଡ଼ିଥିବା ଅଧିକାରୀଙ୍କ ବିରୋଧରେ ଆଗାମୀଦିନରେ ଆୟ ବହିର୍ଭୁତ ସଂପତ୍ତି ମାମଲା ରୁଜୁ ହେବା ସମ୍ଭାବନା। ଭିଜିଲାନ୍ସ ତଦନ୍ତ ପରେ ସଂପୂର୍ଣ୍ଣ ଚିତ୍ର ସ୍ପଷ୍ଟ ହେବ।
ଭୁବନେଶ୍ୱରରେ ଏହି ଚଢ଼ାଉ ସହିତ, ଟାଟା ପାୱାରରେ ନିଯୁକ୍ତ ଅନ୍ୟାନ୍ୟ ଅଧିକାରୀଙ୍କ ନିର୍ବିକଳ୍ପତା ଓ ସ୍ୱଚ୍ଛତା ନେଇ ପୁଣିଥରେ ପ୍ରଶ୍ନ ଉଠିଛି।
