ନୂଆଦିଲ୍ଲୀ :-
ଘରୋଇ ବିମାନ କମ୍ପାନି ଇଣ୍ଡିଗୋ ଏକ ନୂଆ ସୁବିଧା ଆରମ୍ଭ କରିଛି । ଏହା ଅନ୍ତର୍ଗତ ମହିଳା ଯାତ୍ରୀ ୱେବ୍ ଚେକ୍-ଇନ୍ ସମୟରେ ଦେଖିପାରିବେ ଯେ, ଅନ୍ୟ ମହିଳା ଯାତ୍ରୀମାନେ କେଉଁ ସିଟ୍ଗୁଡ଼ିକ ପ୍ରି-ବୁକ୍ କରିଛନ୍ତି । ଏହି ସୁବିଧା ଜରିଆରେ ସେମାନେ ଅନ୍ୟ ମହିଳା ଯାତ୍ରୀଙ୍କ ପାଖ ସିଟ୍କୁ ନିଜ କମ୍ଫର୍ଟ ହିସାବରେ ବାଛିପାରିବେ ।
ଟ୍ରାଭେଲ କମ୍ଫର୍ଟ ଏବଂ ନିରାପତ୍ତା ପାଇଁ ଏୟାର୍ଲାଇନ୍ସ ଏହି ସୁବିଧା ଆରମ୍ଭ କରିଛି ।
ବିଶେଷ କରି ଯେଉଁ ମହିଳାମାନେ ଏକାକୀ ଯାତ୍ରା କରୁଛନ୍ତି ସେମାନଙ୍କ ପାଇଁ ଏ ସୁବିଧା କାର୍ଯ୍ୟରେ ଆସିବ । ଇଣ୍ଡିଗୋ ପକ୍ଷରୁ କୁହାଯାଇଛି ଯେ,ଏ ସୁବିଧାକୁ ଆରମ୍ଭ କରିବା ପୂର୍ବରୁ ଏୟାର୍ଲାଇନ୍ ମହିଳା ଯାତ୍ରୀଙ୍କ ଆବଶ୍ୟକତାକୁ ଉତ୍ତମ ଢଙ୍ଗରେ ବୁଝିବା ପାଇଁ ବଜାର ସର୍ଭେ କରିଥିଲା । ଏହି ନିଷ୍ପତ୍ତି ମହିଳାଙ୍କ ନିରାପତ୍ତା ଏବଂ କମ୍ଫର୍ଟ ପ୍ରତି ଏୟାର୍ଲାଇନ୍ର ପ୍ରତିବଦ୍ଧତାର ଅଂଶ। ୱେବ୍ ଚେକ୍-ଇନ୍ ଜରିଆରେ ଯାତ୍ରୀ ବିମାନ ବନ୍ଦର ଚେକ୍-ଇନ୍ କାଉଣ୍ଟର ନ ଯାଇ ନିଜ କମ୍ପ୍ୟୁଟର କିମ୍ବା ସ୍ମାର୍ଟଫୋନ ଜରିଆରେ ଚେକ୍-ଇନ୍ ପ୍ରୋସେସ୍କୁ ସମ୍ପୂର୍ଣ୍ଣ କରିପାରିବେ ।
