ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ୍ ଖାନଙ୍କ ମୃତ୍ୟୁ ସମ୍ପର୍କୀୟ ଅଫବାହ ପରେ, ତାଙ୍କ ଭଉଣୀ ମାନେ – ନୁରୀନ୍ ଖାନ୍, ଅଲୀମା ଖାନ୍ ଓ ଉଜ୍ମା ଖାନ୍ – ଅଭିଯୋଗ କରିଛନ୍ତି ଯେ ଅଡିଆଲା ଜେଲ୍ ସାମ୍ନାରେ ଶାନ୍ତିପୂର୍ଣ ଭାବେ ବସି ଭାଇଙ୍କ ସହ ଭେଟ ଦାବି କରିବାକୁ ଯାଇଥିବା ବେଳେ ପୁଲିସ୍ ତାଙ୍କୁ “ନିର୍ଦ୍ଦୟ ଭାବରେ” ମାଡ଼ ମାରିଛି। ଖାନ୍ 2023 ଠାରୁ ଅଡିଆଲା ଜେଲରେ ବନ୍ଦୀ ଅଛନ୍ତି ଓ ପାର୍ଟି ଅନୁସାରେ ଗତ ତିନି ସପ୍ତାହରୁ ଅଧିକ ସମୟ ତାଙ୍କ ଭଉଣୀମାନେ ତାଙ୍କୁ ଦେଖିବାକୁ ଅନୁମତି ପାଇନାହାନ୍ତି।
ଭଉଣୀମାନଙ୍କ ଅଭିଯୋଗ, ସେମାନେ ଜେଲ୍ ସାମ୍ନାରେ ବସିଥିବା ସମୟରେ ହଠାତ୍ ରାସ୍ତାଲାଇଟ୍ ବନ୍ଦ ଦକରାଯାଇଥିଲା ଓ ତା’ପରେ ପୁଲିସ୍ ଅନ୍ୟାୟ ଭାବରେ ଆକ୍ରମଣ କରିଥିଲା। 71 ବର୍ଷୀୟ ନୁରୀନ୍ ନିଆଜୀ କହିଥିଲେ, “ମୋ ଚୁଟି ଧରି ଠେଲିଦିଆ ଯାଇଥିଲା ଓ ରାସ୍ତାରୁ ଟାଣି ନିଆଯାଇଥିଲା। ଅନ୍ୟ ସ୍ତ୍ରୀମାନଙ୍କୁ ମଧ୍ୟ ଟାଣି ମାଡ଼ ମାରାଯାଇଛି।”
ଖାନଙ୍କ ପାର୍ଟି PTI ଅଭିଯୋଗ କରିଛି ଯେ ସରକାର ଗତ ଏକ ମାସ ଧରି ତାଙ୍କୁ ଦେଖିବାକୁ ଅଘୋଷିତ ନିଷେଧ ଲାଗୁ କରିଛି। ଖାନ୍ ପୂର୍ଣ୍ଣ ସଙ୍କଳନରେ ରଖାଯାଇଛନ୍ତି ବୋଲି ସେମାନଙ୍କ ଦାବି। ତାଙ୍କ ଆଇନଜୀବୀ ଖାଲିଦ୍ ଯୁସୁଫ୍ ଚୌଧୁରୀ କହିଛନ୍ତି ଯେ ପୁସ୍ତକ, ଆବଶ୍ୟକ ସାମଗ୍ରୀ ଓ ଆଇନଜୀବୀଙ୍କ ସହ ଭେଟ ପର୍ଯ୍ୟନ୍ତ ଅଟକା ଦିଆଯାଉଛି।
