ରାଇରଙ୍ଗପୁର :-
ପଣ୍ଡିତ ରଘୁନାଥ ମୁର୍ମୁଙ୍କ ୧୨୦ ତମ ଜନ୍ମବାର୍ଷିକୀ ଏବଂ ଓଲଚିକି ଲିପିର ଶତବାର୍ଷିକୀ ବର୍ଷ ଉପଲକ୍ଷେ ଆୟୋଜିତ ତିନି ଦିନିଆ ଉତ୍ସବ ଦାଣ୍ଡବୋସ ଗ୍ରାମରେ ମହା ଆଡମ୍ବର ସହକାରେ ଶେଷ ହୋଇଯାଇଛି।
ତୃତୀୟ ଦିବସରେ ଝାରଖଣ୍ଡ ରାଜ୍ୟର ଶିକ୍ଷା ମନ୍ତ୍ରୀ ରାମଦାସ ସୋରେନ ଓ ଓଡିଶାର ପୂର୍ବତନ ଶିକ୍ଷାମନ୍ତ୍ରୀ ସୁଦାମ ମାର୍ଣ୍ଣି ଅତିଥି ଭାବେ ପହଞ୍ଚିଥିଲେ। ଅତିଥୀ ଗଣ ପ୍ରଥମେ ଗୁରୁ ଗୋମକେ ପଣ୍ଡିତ ରଘୁନାଥ ମୁର୍ମୁଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରିଥିଲେ, ତା'ପରେ ଗୁରୁଗୋମକେଙ୍କ ପୈତୃକ ବାସଗୃହ ପରିଦର୍ଶନ କରିବା ସହ କାପି ବୁରୁରେ ତାଙ୍କ ସାଧନା ପୀଠ ଏବଂ ସମାଧି ସ୍ଥଳରେ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ।
ପୂର୍ବତନ ଶିକ୍ଷାମନ୍ତ୍ରୀ ଶ୍ରୀ ସୁଦାମ ମାର୍ଣ୍ଡି ଗୁରୁଗୋମକେ ପଣ୍ଡିତ ରଘୁନାଥ ମୁର୍ମୁ ହେରିଟେଜ୍ ଟ୍ରଷ୍ଟ ପକ୍ଷରୁ ଆୟୋଜିତ ସମାରୋହରେ ମୁଖ୍ୟ ଅତିଥୀ ଭାବେ ଯୋଗ ଦେଇଥିଲେ। ତାଙ୍କ ସହିତ ରାଇରଙ୍ଗପୁର ପୋରାଧ୍ୟକ୍ଷ ଆହ୍ବାନ ପଟ୍ଟନାୟକ, ଜିଲ୍ଲାପରିଷଦ ପରେଶ ଚନ୍ଦ୍ର ମୁଣ୍ଡା, ଜେମାମଣୀ ସୁଣ୍ଢି, ମମତା ମହାନ୍ତ, ତିରିଂ ବ୍ଲକ ଅଧ୍ୟକ୍ଷ ପରମେଶ୍ବର ସାମାଡ, ପ୍ରମୁଖ ଉପସ୍ଥିତ ରହିଥିବାବେଳେ ପୂର୍ବତନ ମନ୍ତ୍ରୀ ବିଶେଶ୍ବର ଟୁଡୁ, ପୂର୍ବତନ ସାଂସଦ ରାମଚନ୍ଦ୍ର ହାଁସଦାଃ, ପୂର୍ବତନ ବିଧାୟକ ପ୍ରହ୍ଲାଦ ପୁର୍ତ୍ତି, ପୂର୍ବତନ ବିଧାୟକ ଲକ୍ଷ୍ମଣ ହେମ୍ବ୍ରମ ପ୍ରମୁଖ ଉପସ୍ଥିତ ରହି ପଣ୍ଡିତ ରଘୁନାଥ ମୁର୍ମୁଙ୍କ ଜୀବନୀ ଓ ସାହିତ୍ୟିକ ଅବଦାନ ଫଳରେ ସାରା ବିଶ୍ବର ଆଦିବାସୀ ସାନ୍ତାଳ ସମାଜ ଏକଜୁଟ ହୋଇ ପାରିଥିବା ବେଳେ ଆଦିବାସୀଙ୍କ ଭାଷା ସଂସ୍କୃତି ଓ ପରମ୍ପରା ସୂରକ୍ଷିତ ଏବଂ ବଳିଷ୍ଠ ହୋଇ ପାରିଛି ବୋଲି କହିଥିଲେ।
ସେହିପରି ଦାଣ୍ଡବୋଷ ଠାରେ ପାର୍ସି ସିଂ ଚାନ୍ଦୋ ମାହାଲ ମାଡଓ୍ବା, ଦାଣ୍ଡବୋଷ, ଆସେକା, ରାଇରଙ୍ଗପୁର ଏବଂ ପଣ୍ଡିତ ରଘୁନାଥ ମୁର୍ମୁ ମେମୋରିଆଲ ୟୁନାଇଟେଡ ଅଲଚିକି ଶତବାର୍ଷିକ ଉତ୍ସବ କମିଟୀ ପକ୍ଷରୁ ଅନୁଷ୍ଠିତ ସାଧାରଣ ସଭାରେ ଆଦିବାସୀ ସମ୍ପ୍ରଦାୟକୁ ସମ୍ବୋଧିତ କରି ଝାରଖଣ୍ଡ ଶିକ୍ଷାମନ୍ତ୍ରୀ ମନ୍ତ୍ରୀ ଶ୍ରୀ ସୋରେନ କହିଥିଲେ ଯେ ପଣ୍ଡିତ ରଘୁନାଥ ମୁର୍ମୁ ସାନ୍ତାଳୀ ସମ୍ପ୍ରଦାୟକୁ ଏହାର ନିଜସ୍ୱ ଲିପି 'ଓଲଚିକି' ଦେଇ ଏକ ଅନନ୍ୟ ସାଂସ୍କୃତିକ ପରିଚୟ ଦେଇଥିଲେ। ସେ ଘୋଷଣା କରିଥିଲେ ଯେ ଝାଡ଼ଖଣ୍ଡ ସରକାର କେବଳ ଏକ ଆଦିବାସୀ ବିଶ୍ୱବିଦ୍ୟାଳୟ ପ୍ରତିଷ୍ଠା କରିନାହାଁନ୍ତି ବରଂ ପଣ୍ଡିତ ମୁର୍ମୁଙ୍କ ଜନ୍ମବାର୍ଷିକୀକୁ ରାଜ୍ୟ ଛୁଟି ଭାବରେ ସ୍ୱୀକୃତି ଦେଇଛନ୍ତି। କାର୍ଯ୍ୟକ୍ରମର ମଞ୍ଚରୁ, ବକ୍ତାମାନେ ଓଲଚିକି ଲିପିର ଐତିହାସିକ ଗୁରୁତ୍ୱ, ପଣ୍ଡିତ ମୁର୍ମୁଙ୍କ ଜୀବନୀ ଏବଂ ତାଙ୍କ ସାହିତ୍ୟିକ ଅବଦାନ ଉପରେ ବିସ୍ତୃତ ଆଲୋଚନା କରିଥିଲେ। ସେ କହିଥିଲେ ଯେ ପଣ୍ଡିତ ମୁର୍ମୁ କେବଳ ଜଣେ ଲେଖକ ନଥିଲେ ବରଂ ଜଣେ ସମାଜ ସଂସ୍କାରକ, ସାହିତ୍ୟିକ ଏବଂ ଆଦିବାସୀ ଚେତନାର ପ୍ରବର୍ତ୍ତକ ମଧ୍ୟ ଥିଲେ। ଏହି ସମାରୋହରେ ଜେଏମଏମ ରାଜ୍ୟ ସଭାପତି ଅଞ୍ଜନୀ ସୋରେନ, ପୂର୍ବତନ ବିଧାୟକ ଲକ୍ଷ୍ମଣ ଟୁଡୁ, ସାଇବା ସୁଶୀଲ ହାଁସଦାଃ, ଭୀମୱାର ମୁର୍ମୁ, ଶାଙ୍ଖ ବାସ୍କେ, ସାଗେନ୍ ପୁର୍ତ୍ତି, ଝାରଖଣ୍ଡ ଆସେକା ସଭାପତି ସୁଭାଷ ମାରାଣ୍ଡି ଏବଂ ସାନ୍ତାଳୀ ଲେଖକ ପୀତାମ୍ବର ହାଂସଦାଙ୍କ ସମେତ ଅନେକ ଓଲଚିକି ଲିପି ଶିକ୍ଷକ ଏବଂ ଜନପ୍ରତିନିଧି ଅଂଶଗ୍ରହଣ କରିଥିଲେ। ଏହି ତ୍ରୀଦିବସୀୟ ଶତବାର୍ଷିକ ଉତ୍ସବ ଆଦିବାସୀ ଏକତା ଏବଂ ଭାଷା ଓ ସାଂସ୍କୃତିକ ଐତିହ୍ୟର ସଂରକ୍ଷଣର ପ୍ରତୀକ ପାଲଟିଥିଲା।
ରାଇରଙ୍ଗପୁର ରୁ ନୀଳକଣ୍ଠ ବେହେରାଙ୍କ ରିପୋର୍ଟ
