.jfif)
ଟିମ୍ ଇଣ୍ଡିଆର ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା । ତାଙ୍କ ପୂର୍ବ ପତ୍ନୀ ନତାଶା । ଦୁହେଁ ଏବେ ଅଲଗା ହୋଇଯାଇଛନ୍ତି। ଉଭୟ କିଛି ଦିନ ତଳେ ନିଜର ଛାଡପତ୍ରକୁ ନେଇ ଚର୍ଚ୍ଚାରେ ଥିଲେ। ସୋସିଆଲ ମିଡିଆରେ ଏକ ପୋଷ୍ଟ ସେୟାର କରି ଏହି ସୂଚନା ଦେଇଥିଲେ। ତେବେ ଦୁହେଁ କାହିଁକି ଅଲଗା ହୋଇଥିଲେ ? ସେ ବିଷୟରେ କୌଣସି ମନ୍ତବ୍ୟ ଦେଇନଥିଲେ।
କୁହାଯାଉଛି ଯେ, “ହାର୍ଦ୍ଦିକଙ୍କର ଟିକେ ଲୋକ ଦେଖାଣିଆ ଗୁଣ ଥିଲା ଏବଂ ସେ ନିଜ ଭିତରେ ସବୁବେଳେ ରହୁଥିଲେ। ପ୍ରଥମେ ପ୍ରଥମେ ହାର୍ଦ୍ଦିକ ବଦଳିଯିବେ ବୋଲି ଭାବି ନତାଶା ତାଙ୍କ କାମକୁ ଅଣଦେଖା କରୁଥିଲେ। ହେଲେ ସମୟ ବିତିବା ପରେ ବି ହାର୍ଦ୍ଦିକ ବଦଳିନଥିଲେ। ୪ବର୍ଷ ଭିତରେ ଅଭିନେତ୍ରୀ ହୃଦୟଙ୍ଗମ କଲେ ଯେ ମଣିଷ ଭାବରେ ଦୁହିଁଙ୍କ ମଧ୍ୟରେ ବହୁତ ଅଧିକ ପାର୍ଥକ୍ୟ ଅଛି। ନତାଶା ତାଙ୍କ ବ୍ୟକ୍ତିତ୍ୱକୁ ହାର୍ଦ୍ଦିକଙ୍କ ସହିତ ମିଶାଇବାକୁ ଚେଷ୍ଟା କରିଥିଲେ। କିନ୍ତୁ ତାହା ହୋଇପାରିନଥିଲେ। ତାଙ୍କ ଆଚରଣରେ ନତାଶା ବିରକ୍ତ ହୋଇଯାଇଥିଲେ। ତାଙ୍କ ସହ ଅସହଜ ଅନୁଭବ କରିବାକୁ ଲାଗିଲେ। ଏହା ପରେ ୪ବର୍ଷ ସମ୍ପର୍କ ସମ୍ଭାଳିବାକୁ ଚେଷ୍ଟା କରି କରି ଥକି ଯାଇଥିଲେ। ପରେ ଶେଷରେ ସେ ଛାଡ଼ପତ୍ର ନେବାର ନିଷ୍ପତ୍ତି ନେଲେ।
ରିପୋର୍ଟ ଅନୁଯାୟୀ, ହାର୍ଦ୍ଦିକଙ୍କ ଛାଡପତ୍ର ପରେ ନତାଶା ପୁଅ ସହିତ ସର୍ବିଆକୁ ଯାଇଛନ୍ତି। କିନ୍ତୁ ଛାଡପତ୍ର ନିଷ୍ପତ୍ତି ଉପରେ ପୁନର୍ବିଚାର କରିଥିଲେ। କିନ୍ତୁ ହାର୍ଦ୍ଦିକରେ କୌଣସି ପରିବର୍ତ୍ତନ ହୋଇନଥିଲା, ତେଣୁ ଅଭିନେତ୍ରୀ ତାଙ୍କର ଅଲଗା ହେବାର ନିଷ୍ପତ୍ତି ନିଶ୍ଚିତ କରିଥିଲେ। ଏହା ନତାଶାଙ୍କ ପାଇଁ ବହୁତ ଯନ୍ତ୍ରଣାଦାୟକ ଥିଲା । ଗତ ବର୍ଷ ନତାଶା ପ୍ରାୟ ପ୍ରତ୍ୟେକ ମ୍ୟାଚରେ ହାର୍ଦ୍ଦିକଙ୍କୁ ସମର୍ଥନ କରୁଥିବା ଦେଖିବାକୁ ମିଳିଥିଲା। କିନ୍ତୁ ତାଙ୍କୁ IPL ୨୦୨୪ରେ ଦେଖିବାକୁ ମିଳିନଥିଲେ । କେବଳ ଏତିକି ନୁହେଁ, ହାର୍ଦ୍ଦିକ ଟି -୨୦ ବିଶ୍ୱକପ ୨୦୨୪ ଜିତିବା ପରେ ମଧ୍ୟ ନତାଶାଙ୍କ କୌଣସି ପୋଷ୍ଟ କିମ୍ବା ଅଭିନନ୍ଦନ ଦେଖାଯାଇ ନଥିଲା। ସମ୍ପର୍କ ଶେଷ ହେବା ପରେ ବ୍ରିଟିଶ ଗାୟିକାଙ୍କ ସହ ହାର୍ଦ୍ଦିକଙ୍କ ସମ୍ପର୍କକୁ ନେଇ ଆଲୋଚନା ମଧ୍ୟ ବଢିବାରେ ଲାଗିଛି
