ବାଲିଶଙ୍କରା ଉଚ୍ଚ ମାଧ୍ୟମିକ ବିଦ୍ୟାଳୟରେ ଛାତ୍ରୀମାନଙ୍କୁ ପ୍ରଧାନଶିକ୍ଷକଙ୍କ ଯୌନ ନିର୍ଯାତନା ଅଭିଯୋଗ

 

ସୁନ୍ଦରଗଡ଼/ବାଲିଶଙ୍କରା:-

ସୁନ୍ଦରଗଡ଼ ଜିଲ୍ଲା ବାଲିଶଙ୍କରା ଉଚ୍ଚ ମାଧ୍ୟମିକ ବିଦ୍ୟାଳୟର ପ୍ରଧାନ ଶିକ୍ଷକଙ୍କ ନାମରେ ସାଂଘାତିକ ଅଭିଯୋଗ। ଛାତ୍ରୀମାନଙ୍କୁ ଅଶ୍ଲୀଳ ଇଙ୍ଗିତ ଓ ସ୍ପର୍ଶ କରିବା ସହ ଯୌନ ନିର୍ଯାତନା। ପ୍ରତିବାଦରେ ଆଜି ସକାଳୁ ଛାତ୍ରୀମାନେ ସ୍କୁଲ ଛାଡ଼ି ରାସ୍ତାରୋକ କରିଛନ୍ତି। ପ୍ରଧାନ ଶିକ୍ଷକଙ୍କ ବିରୋଧରେ ତୁରନ୍ତ କାର୍ଯ୍ୟାନୁଷ୍ଠାନ ଦାବି କରିଛନ୍ତି।

ଶ୍ରେଣୀ କକ୍ଷରେ ଓ ନିଜ ସରକାରୀ ଆବାସକୁ ଛାତ୍ରୀଙ୍କୁ ଡାକି ଅଶ୍ଲୀଳ କଥା କହି ଅନ୍ତ୍ରବସ୍ତ୍ରରେ ହାତ ମାରୁଥିବା ଛାତ୍ରୀମାନେ ସିଧାସଳଖ ଅଭିଯୋଗ କରିଛନ୍ତି। କେହି ଏହାର ବିରୋଧ କଲେ ସାର୍ଟିଫିକେଟ ଦେଇ ବାହାର କରିଦେବାର ଧମକ ଦେଉଥିବା ଅଭିଯୋଗ ହୋଇଛି।