ଭୁବନେଶ୍ୱର:-
ଦେଶରେ ବର୍ଷକରେ ୪୬.୭ ନିୟୁତକୁ ନିଯୁକ୍ତି ସଂଖ୍ୟା ବୃଦ୍ଧି ପାଇଛି। ସୋମବାର ଭାରତୀୟ ରିଜର୍ଭ ବ୍ୟାଙ୍କ (ଆର୍ବିଆଇ) ଏହି ତଥ୍ୟ ପ୍ରକାଶ କରିଛି। ମାର୍ଚ୍ଚରେ ଶେଷ ହୋଇଥିବା ୨୦୨୩-୨୪ ଆର୍ଥିକ ବର୍ଷରେ ଏହି ନିଯୁକ୍ତି ବୃଦ୍ଧି ପାଇଥିବାବେଳେ ଦକ୍ଷିଣ ଏସୀୟ ଦେଶରେ ବେକାରି ହାରକୁ ଦର୍ଶାଇଥିବା ଘରୋଇ ସର୍ବେକ୍ଷଣ ତୁଳନାରେ ଏହା ବହୁତ ଅଧିକ।
ପ୍ରକାଶିତ ତଥ୍ୟ ଅନୁସାରେ, ୨୦୨୩-୨୪ରେ ନିଯୁକ୍ତି ଅଭିବୃଦ୍ଧି ୬% ରହିଛି, ଯାହାକି ୨୦୨୨-୨୩ରେ ୩.୨% ଥିଲା। ଚାକିରିର ଅଭାବ ଏବଂ ଉଚ୍ଚ ମୁଦ୍ରାସ୍ଫୀତିକୁ ନେଇ ଦେଶରେ ଲୋକଙ୍କ ମଧ୍ୟରେ ଅସନ୍ତୋଷ ଲାଗିରହୁଥିବାବେଳେ ଏହି ତଥ୍ୟ ଲୋକଙ୍କ ମଧ୍ୟରେ ଆଶ୍ୱସ୍ତି ଆଣିଛି। ଆର୍ବିଆଇ ତଥ୍ୟରୁ ଜଣାପଡ଼ିଛି ଯେ ୨୦୨୩-୨୪ରେ ଭାରତର ମୋଟ ନିଯୁକ୍ତି ୬୪୩.୩ ମିଲିୟନ ରହିଛି। ଆର୍ଥିକବର୍ଷ ୨୩ରେ ୫୯୬.୭ ମିଲିୟନ ଥିଲା।
ଆର୍ବିଆଇ ଦ୍ୱାରା ନିୟମିତ ଜାରି କରାଯାଇଥିବା ଏହି ରିପୋର୍ଟରେ ପାରମ୍ପରିକ ଭାବରେ କେବଳ ଐତିହାସିକ ସଂଖ୍ୟା ଦର୍ଶାଯାଇଛି। ତେବେ ସୋମବାର ଆର୍ବିଆଇ କହିଛି ଯେ, ଉପଲବ୍ଧ ସୂଚନାକୁ ଆଧାର କରି ପ୍ରଥମ ଥର ପାଇଁ ୨୦୨୩-୨୪ ଆର୍ଥିକ ବର୍ଷ ପାଇଁ ସାମଗ୍ରିକ ଅର୍ଥନୀତି ଲାଗି ଉତ୍ପାଦନର ଏକ ସାମୟିକ ଆକଳନ ପ୍ରସ୍ତୁତ କରିବାକୁ ଚେଷ୍ଟା କରୁଛି। ଗତ ସପ୍ତାହରେ ସିଟିବ୍ୟାଙ୍କ ପ୍ରକାଶ କରିଥିବା ରିପୋର୍ଟରେ ପ୍ରକାଶ ପାଇଥିଲା ଯେ, ୧୧ ମିଲିୟନରୁ ୧୨ ମିଲିୟନ ନିଯୁକ୍ତି ଆବଶ୍ୟକତା ରହିଥିବାବେଳେ ପାଖାପାଖି ୭ ପ୍ରତିଶତ ଅଭିବୃଦ୍ଧି ଦ୍ୱାରା ଭାରତରେ କେବଳ ୮ ନିୟୁତରୁ ୯ ନିୟୁତ ନିଯୁକ୍ତି ସୃଷ୍ଟି କରିବ। ସିଟିର ମୁଖ୍ୟ ଭାରତ ଅର୍ଥନୀତିଜ୍ଞ ସମୀରନ ଚକ୍ରବର୍ତ୍ତୀ ଉଲ୍ଲେଖ କରିଛନ୍ତି ଯେ, ଜିଡିପି ଅଭିବୃଦ୍ଧି ମଧ୍ୟ ଆସନ୍ତା ଦଶନ୍ଧି ମଧ୍ୟରେ ଚାକିରି ଆବଶ୍ୟକତା ପୂରଣ କରିପାରିବ ନାହିଁ। ଏକ ପୃଥକ୍ ବିବୃତିରେ, ଫେଡେରାଲ ଶ୍ରମ ବିଭାଗ ସିଟିର ରିପୋର୍ଟକୁ ପ୍ରତ୍ୟାଖାନ କରି କହିଛି, ଏହାର ଆକଳନରୁ ଜଣାପଡ଼ିଛି ଯେ ୨୦୧୭-୧୮ ରୁ ୨୦୨୧-୨୨ ମଧ୍ୟରେ ବାର୍ଷିକ ହାରାହାରି ୨୦ ନିୟୁତରୁ ଅଧିକ ନିଯୁକ୍ତି ସୁଯୋଗ ସୃଷ୍ଟି ହୋଇଛି। ସେଣ୍ଟର ଫର୍ ମନିଟରିଂ ଇଣ୍ଡିଆନ ଇକୋନୋମି, ଅନ୍ୟ ଏକ ବେସରକାରୀ ଥିଙ୍କ ଟ୍ୟାଙ୍କ ଯାହା ଦେଶରେ ବେକାରି ସଂଖ୍ୟା ଉପରେ ନଜର ରଖିଛି। ୨୦୨୩-୨୪ ଆର୍ଥିକ ବର୍ଷରେ ଭାରତରେ ବେକାରି ହାର ୮% ଏବଂ ପୂର୍ବ ଦୁଇ ବର୍ଷରେ ୭.୭ ପ୍ରତିଶତକୁ ବୃଦ୍ଧି ପାଇବ ବୋଲି ଆକଳନ କରିଛି।
