💐💐କାଳଜୟୀ ସାହିତ୍ୟ ସାଧକ ରସରାଜ ଡଃ କୁଳମଣି ମହାପାତ୍ର ଏବଂ ଶିଶୁ ସାହିତ୍ୟିକ ନନ୍ଦକିଶୋର ସାମଲଙ୍କ ଜୟନ୍ତୀ ସମାରୋହ ଓ ସମ୍ବର୍ଦ୍ଧନା ପର୍ବ 💐💐

 

🌹ରାଜ୍ୟର ଅଗ୍ରଣୀ ସାରସ୍ୱତ ଅନୁଷ୍ଠାନ ମାହାଙ୍ଗା ବଡଚଣା ସାହିତ୍ୟ ସଂସ୍କୃତି ପରିଷଦ ଆନୁକୂଲ୍ୟରେ ବାଲିଚନ୍ଦ୍ରପୁର ସ୍ଥିତ ରବୀନ୍ଦ୍ର ମଣ୍ଡପ ପରିସରରେ ବିଶିଷ୍ଟ ସାରସ୍ୱତ ସାଧକ   ରସରାଜ ଡ କୁଳମଣି ମହାପାତ୍ର ଏବଂ କାଳଜୟୀ ଶିଶୁ ସାହିତ୍ୟିକ ନନ୍ଦକିଶୋର ସାମଲଙ୍କ ଜୟନ୍ତୀ ଏବଂ ସମ୍ବର୍ଦ୍ଧନା ସମାରୋହ ଅନୁଷ୍ଠିତ ହୋଇଯାଇଛି।।ଅନୁଷ୍ଠାନର ପ୍ରାଣ ପ୍ରତିଷ୍ଠାତା ବିଶିଷ୍ଟ ଶିଶୁ ସାହିତ୍ୟିକ ତଥା ବରିଷ୍ଠ ସାମ୍ବାଦିକ କବି ଭକ୍ତଚରଣ ସାହୁଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ସାରସ୍ୱତ ସମ୍ମେଳନକୁ ଲବ୍ଧପ୍ରତିଷ୍ଠ ସାହିତ୍ୟିକ ତଥା ଶିକ୍ଷାବିତ ଡ ହରିହର କାନୁନଗୋ ଆନୁଷ୍ଠାନିକ ଭାବେ ଉଦ୍ଘାଟନ କରି ପୂଜ୍ୟ ପୂଜାର ପରମ୍ପରାକୁ ସୁଦୃଢ଼ କରୁଥିବାରୁ ଅନୁଷ୍ଠାନର ଭୂୟସୀ ପ୍ରଶଂସା କରିଥିଲେ।

  

ସର୍ବପ୍ରଥମେ ମାହାଙ୍ଗା ଅଞ୍ଚଳର ଏହି ବରପୁତ୍ର ଦ୍ଵୟଙ୍କ ତୈଳଚିତ୍ରରେ ମାଲ୍ୟାର୍ପଣ ସହ ଶ୍ରଦ୍ଧା ନିବେଦନ କରାଯିବା ସହ ବେଦପାଠ କରାଯାଇଥିଲା। ବିଶିଷ୍ଟ ସମାଜସେବୀ ଚୌଧୁରୀ ପ୍ରଭାତୀ କେଶରୀ ମିଶ୍ର ମୁଖ୍ୟ ଅତିଥି, ପ୍ରାଧ୍ୟାପକ ଡ ସଚ୍ଚିଦାନନ୍ଦ କର ମୁଖ୍ୟ ବକ୍ତା ଏବଂ ସମ୍ମାନିତ ଅତିଥି ଭାବେ ଶିକ୍ଷାବିତ ଶଶଧର ପଣ୍ଡା, ପ୍ରାଧ୍ୟାପକ ବିନ୍ଦୁମିତ୍ର ଧଳ , ପ୍ରାଧ୍ୟାପକ ଡ ଯଚ୍ଚିନ୍ଦ୍ର ରାଉତ , ଡ କୃଷ୍ଣଚନ୍ଦ୍ର ପାତ୍ର ଏବଂ ରାଜଶ୍ରୀ କଳା ଓ ସାହିତ୍ୟ ସଂସଦର ସମ୍ପାଦକ ଆଶୁକବି ହେମନ୍ତ ଜେନା ପ୍ରମୂଖ ଯୋଗଦେଇ ଦିବ୍ୟାତ୍ମାଙ୍କୁ ଶ୍ରଦ୍ଧା ନିବେଦନ କରିବା ସଙ୍ଗେ ସଙ୍ଗେ ସେମାନଙ୍କ ସାମଗ୍ରିକ ସାହିତ୍ୟ ଉପରେ ଆଲୋକପାତ କରିଥିଲେ।। ଇତ୍ୟବସରରେ ଅନୁଷ୍ଠାନ ତରଫରୁ ପ୍ରାଧ୍ୟାପକ ଡ ହରିହର କାନୁନଗୋ, ଶିକ୍ଷାବିତ ବୈଷ୍ଣବ ଚରଣ ମହାନ୍ତି ,

ବ୍ୟଙ୍ଗକବି ଅପର୍ତ୍ତିଚରଣ ସେଠୀ , ଶିକ୍ଷକ ରାଜକିଶୋର ଜେନା , କବି ଶିଶିର କୁମାର ପଣ୍ଡା ଏବଂ ସମାଜସେବୀ ପ୍ରମୋଦ କୁମାର ଦାଶ ଆଦିଙ୍କୁ ମାନପତ୍ର, ପୁଷ୍ପଗୁଚ୍ଛ ଓ ଅଙ୍ଗବସ୍ତ୍ର ସହ ସମ୍ବର୍ଦ୍ଧିତ କରାଯାଇଥିଲା। ବିଶିଷ୍ଟ ସଂଗୀତ ଶିଳ୍ପୀ ଅଜୟ କୁମାର ଜେନା ସ୍ଵାଗତ ସଂଗୀତ ପରିବେଷଣ କରିଥିବା ବେଳେ ବିଜୟ କୁମାର ସ୍ଵାଇଁ ଉତ୍ସବ ପରିଚାଳନା ରେ ସହଯୋଗ କରିଥିଲେ।