ଦେଶର ୫ଟି ମୁଖ୍ୟ ରାଜ୍ୟ — ପଶ୍ଚିମ ବଙ୍ଗ, ତାମିଳନାଡୁ, କେରଳ, ଆସାମ ଓ ପୁଦୁଚେରୀରେ ଚାଲୁଥିବା ଭୋଟ୍ ଗଣନା ମଧ୍ୟରେ ସନ୍ଧ୍ୟା 4:30 ପର୍ଯ୍ୟନ୍ତ ଆସୁଥିବା ଟ୍ରେଣ୍ଡ ଦେଶର ରାଜନୀତିକ ଚିତ୍ରକୁ ବଡ଼ ପରିବର୍ତ୍ତନର ସଙ୍କେତ ଦେଉଛି।
ପଶ୍ଚିମବଙ୍ଗ: ସବୁଠାରୁ ବଡ଼ ଚମକ ପଶ୍ଚିମ ବଙ୍ଗରୁ। ଟ୍ରେଣ୍ଡ ଅନୁଯାୟୀ ବିଜେପି ସ୍ପଷ୍ଟ ଭାବରେ ମେଜରିଟି ଚାରିପାଖକୁ ପହଞ୍ଚିଛି ଏବଂ 148 ଆସନ ଉପରେ ଆଗରେ ରହିଛି। ଏହା ସହ ଦୀର୍ଘଦିନର ଶାସକ ଶକ୍ତି ପାଇଁ ବଡ଼ ଝଟକା ବୋଲି ବିଶ୍ଳେଷକମାନେ କହୁଛନ୍ତି।
ତାମିଳନାଡୁ: ତାମିଳନାଡୁରେ ପାରମ୍ପରିକ ଦଳମାନଙ୍କୁ ଚ୍ୟାଲେଞ୍ଜ କରି ନୂତନ ରାଜନୈତିକ ଶକ୍ତି ଭାବେ ଅଭିନେତା ବିଜୟଙ୍କ ଦଳ ବଡ଼ ଆଗତି ଦେଖାଉଛି। ଡିଏମକେ ପାଇଁ ଏହା ଏକ ଭାରି ଝଟକା ହୋଇପାରେ ବୋଲି ଟ୍ରେଣ୍ଡ ସୂଚନା ଦେଉଛି।
କେରଳ: କେରଳରେ ପାରମ୍ପରିକ ଆଣ୍ଟି-ଇନକମ୍ବେନ୍ସି ଧାରା ଜାରି ରହିଥିବା ଦେଖାଯାଉଛି। କଂଗ୍ରେସ ନେତୃତ୍ୱାଧୀନ UDF ଆଗରେ ଥିବା ବେଳେ ବାମ ମୋର୍ଚ୍ଚା ପଛକୁ ପଡ଼ୁଛି।
ଆସାମ: ଆସାମରେ ବିଜେପି ପୁନର୍ବାର ସରକାର ଗଠନ ଦିଗରେ ଆଗକୁ ବଢ଼ୁଥିବା ଟ୍ରେଣ୍ଡ ମିଳୁଛି। ତୃତୀୟ ଥର ପାଇଁ ଶାସନ ଜାରି ରଖିବାକୁ ଦଳ ସୁଦୃଢ଼ ସ୍ଥିତିରେ।
ପଦୁଚେରୀ: ପଦୁଚେରୀରେ ଏନ୍ଡିଏ ଜୋଟ ପୁନର୍ବାର ଶକ୍ତିଶାଳୀ ଭାବରେ ଆଗକୁ ବଢ଼ୁଥିବା ସୂଚନା ମିଳୁଛି, ଯଦିଓ କିଛି ଆସନରେ ଟକ୍କର ଜାରି ରହିଛି।
ସନ୍ଧ୍ୟା 4:30 ପର୍ଯ୍ୟନ୍ତ ଟ୍ରେଣ୍ଡ ଦେଖାଉଛି ଯେ ୨୦୨୬ ନିର୍ବାଚନ ଦେଶର ରାଜନୀତିରେ ବଡ଼ ପରିବର୍ତ୍ତନର ସଙ୍କେତ। ଅନେକ ରାଜ୍ୟରେ ଶାସକ ଦଳ ପାଇଁ ଚ୍ୟାଲେଞ୍ଜ ବଢ଼ିଥିବା ବେଳେ, ନୂତନ ଶକ୍ତିମାନେ ମଧ୍ୟ ଆଗକୁ ଆସୁଛନ୍ତି।
