ପୁରୀ :
ପୁରୀରୁ ଏକ ବଡ଼ ଖବର ସାମ୍ନାକୁ ଆସିଛି। IPL ମ୍ୟାଚ୍କୁ ଆଧାର କରି ଚାଲୁଥିବା ଅବୈଧ ସଟ୍ଟା ବ୍ୟବସାୟକୁ ପୁଲିସ ଭଙ୍ଗ କରିଛି। ଏହି ଅଭିଯାନରେ ୪ ଜଣ ଅଭିଯୁକ୍ତଙ୍କୁ ଗିରଫ କରାଯାଇଥିବା ସହ ବହୁ ପରିମାଣର ନଗଦ ଟଙ୍କା ଜବତ କରାଯାଇଛି।
ସୂଚନା ଅନୁସାରେ, ମସାନିଚଣ୍ଡୀ ମନ୍ଦିର ନିକଟରେ କିଛି ବ୍ୟକ୍ତି IPL ମ୍ୟାଚ୍ ଉପରେ ଅନଲାଇନ୍ ଭାବେ ସଟ୍ଟା ଖେଳୁଥିବା ବାବଦରେ ପୁଲିସକୁ ଗୁପ୍ତ ସୂଚନା ମିଳିଥିଲା। ପରେ ସାଇବର ସେଲ୍ ଓ ଅର୍ଥନୈତିକ ଅପରାଧ ଶାଖା ଯୁକ୍ତ ଭାବେ ଚଢ଼ାଉ କରିଥିଲେ।
ଘଟଣାସ୍ଥଳରୁ ପ୍ରସନ୍ନ ପୃଷ୍ଟି, ବି ନାଗେଶ୍ୱର ରାଓ, ବିଶ୍ୱନାଥ ଲେଙ୍କା ଓ ରମାକାନ୍ତ ସାହୁଙ୍କୁ ଧରାଯାଇଛି। ତଥାପି କିଛି ଅଭିଯୁକ୍ତ ଘଟଣାସ୍ଥଳରୁ ପଳାଇ ଯିବାରେ ସଫଳ ହୋଇଥିଲେ।
ପୁଲିସ ଚଢ଼ାଉ ସମୟରେ ୬ଟି ମୋବାଇଲ୍ ଓ ପ୍ରାୟ ୩ ଲକ୍ଷ ଟଙ୍କା ଜବତ କରିଥିଲେ। ପରବର୍ତ୍ତୀ ତଦନ୍ତରେ ମୁଖ୍ୟ ଅଭିଯୁକ୍ତଙ୍କ ଘରୁ ୨୨ ଲକ୍ଷ ଟଙ୍କା ମିଳିଥିଲା। ସେହିପରି ତାଙ୍କ ବ୍ୟାଙ୍କ ଖାତାରେ ଥିବା ପ୍ରାୟ ୩୧ ଲକ୍ଷ ଟଙ୍କାକୁ ମଧ୍ୟ ଫ୍ରିଜ୍ କରାଯାଇଛି।
ତଦନ୍ତରୁ ଜଣାପଡ଼ିଛି ଯେ, ଏହି ଗ୍ୟାଙ୍ଗ ପଛଲା ୨ ବର୍ଷ ଧରି ପୁରୀରେ ସକ୍ରିୟ ଥିଲା ଏବଂ ଏକ ଆପ୍ ମାଧ୍ୟମରେ ଲୋକଙ୍କୁ ଯୋଡ଼ି ସଟ୍ଟା ବ୍ୟବସାୟ ଚାଲାଉଥିଲା।
ଏହି ଘଟଣାରେ ପୁଲିସ ଭାରତୀୟ ନ୍ୟାୟ ସଂହିତା, IT ଆକ୍ଟ ଓ ଅନ୍ୟାନ୍ୟ ଆଇନ ଅନୁଯାୟୀ ମାମଲା ରୁଜୁ କରିଛି। ଅନ୍ୟ ଫରାର ଅଭିଯୁକ୍ତଙ୍କ ଖୋଜ ଚାଲିଛି।
