ଚାନ୍ଦବାଲି :- ଭଦ୍ରକ ଜିଲା ଚାନ୍ଦବାଲି ବ୍ଲକ ଅଧୀନସ୍ତ ବାଁଶଡା ପଞ୍ଚାୟତ ଚିଙ୍ଗୁଡ଼ି ବକେୟା ପଇସା କୁ ଆଧାର କରି 2 ଗୋଷ୍ଠୀ ମଧ୍ୟରେ ସଂଘର୍ଷ ହୋଇଛି। ପ୍ରାପ୍ତ ଖବର ରୁ ଜଣା ଯାଇଛି ଗୋଟିଏ ଗୋଷ୍ଠୀର ଲୋକ ଅନ୍ୟ ଗୋଷ୍ଠୀ ର ଲୋକ ପାଖରୁ ଚିଙ୍ଗୁଡ଼ି ଚାଷ ପାଇଁ ଖାଦ୍ୟ ଏବଂ ଔଷଧ ଆଣିଥିଲେ ଏହି ବକେୟା ଟଙ୍କା ଆଜି ଦିଆଯିବାକୁ ସ୍ଥିରୀକୃତ ହୋଇଥିଲା। ମାତ୍ର ଠିକ ସମୟ ରେ ଅର୍ଥ ନ ମିଳିବାରୁ ଏହିକଥାକୁ ନେଇ 2 ଗୋଷ୍ଠୀ ମଧ୍ୟରେ କଥା କଟାକଟି ହେବ ସହ ଠେଲା ପେଲା ହୋଇଥିଲା। ଏହି କଥା କୁ ନେଇ 2 ଗୋଷ୍ଠୀ ମଧ୍ୟରେ ପରିସ୍ଥିତି ଅଣ ଆୟତ ହେବା ମାଡ଼ ପିଟ ଆରମ୍ଭ ହୋଇଥିଲା. ଏହି ମାଡ଼ ପିଟ ରେ 2 ଗୋଷ୍ଠୀର 5 ଜଣ ଆହତ ହୋଇଥିବା ଜଣାଯାଇଛି। ପରିସ୍ଥିତି ଆୟତ ରେ ନଥିବା ଦୃଷ୍ଟି ରୁ ବଂଶଡା ବଜାର ଏବଂ ପଂଚାୟତ ରେ 1ପ୍ଲାଟୁନ ଫୋର୍ସ ମୁତୟନ କରାଯାଇଛି। ଏଥି ସହ ବାଁଶଡା ବଜାରରେ ଥିବା ଏକ ରାଜନୈତିକ ଦଳ ର ଅଫିସ ଭଙ୍ଗାରୁଜା ହୋଇଥିବା ଜଣାଯାଇଛି। ଖବର ଲେଖା ହେବା ପର୍ଯ୍ୟନ୍ତ ଥାନାରେ ମାମଲା ରୁଜୁ ହୋଇ ନଥିବା ପୋଲିସ ପକ୍ଷରୁ ସୂଚନା ମିଳିଛି । ଚାନ୍ଦବାଲି ସାଗର ରୁ ରାଉଳ ଙ୍କ ରିପୋର୍ଟ
